سالونى
سألونى ما قدرتش أجاًوب
ايه من الغربة يا واد جايب
أقول انا جايب هم السنين
و ليالى نمت فيها حزين
كنت بنام و أكتم فى همى
و اخبى حتى يا ناس عن امى
سألونى ما قدرتش أجاًوب
ايه من الغربة يا واد جايب
انا إللى ياما خبيت دموعي
ما بانت مره بره جفوني
و ياما سهرت كتير ليالى
بكلم نفسى و كمان خيالي
سألونى ما قدرتش أجاًوب
ايه من الغربة يا واد جايب
انا إللى سبت بينكم حياتى
و سافرت و شايل شنطة اهاتى
و رجعت و لسه يا ناس شايلها
و شنطة دوا و الكل شايفها
سألونى ما قدرتش أجاًوب
ايه من الغربة يا واد جايب
No comments:
Post a Comment