مصاب ؤ مصاب
مصاب دولة بلا عسكر
ؤ قانون حلا من السكر
ؤ شي حكومة ناسها اعسل
ويتراسهم شي راجل افحل
ويكون قلبو عل الفقير ايحن
بغينا الاقتصاد معاه يزهر
ما يخاف ويكون فالصولة يزهر
كلمتو تكون نافدة ويكون اسبع
ما بغيناه يتنغز كي لبغل
وتعيش لعباد معاه ف ظلم
شكون أكره ايعيش عيشة النسر
ايحلق ف سما..... بلادو حر
ابالله عليكم شكون لكلام غا يفهم
وشكون يفرز الدبان من النحل
وشكون يشعل عافية بلا احطب
ؤ فين لي قلبو صافي ما فيه سم
امصاب تعود أيامنا بحليب و تمر
ؤ نشربو من ذاك البير ؤ تعمر الجابية مع لمكب
غير سير ؤ كان رآه الما الا داع ايشربو الرمل
مصاب ؤ مصاب
مصاب غير شي جلسة زمنية ؤ نلقا
من يسمعني بعد نهظر
مصاب يفهمني السامع ويبلغ المقصود بالصبر
وشحال من مصاب ... ؤ فين هاد مصاب غا مصاب .
بقلم الشاعر الزجال : محمد زرواني
No comments:
Post a Comment