قصيدة(الدنيا مبتديش محتاج )للشاعر علاء عبد.النبي

كلمات/علاء أحمد عبدالنبي
*******************
#الدنيا-مبتديش -محتاج#
☆☆☆☆☆☆☆☆
الدنيا مبتديش محتاج....
ولا حتى بتقدم لة علاج...
يدبل دمعته....
بالعكس بتزودة أحزان...
والمستخبي فى ثانية يبان...
وتضلم سكته....
واللى مش محتاج تناديلة..
وتعوضة وكمان تديلة..
وتخلية عايش متهني...
مرتاح وفى احلى مزاج...
#الدنيا-مبتديش-محتاج#
وأنا واحد م البني آدمين...
أجلها شمال.بتجيلى يمين..
كل ماقول دا هتضحك ليا..
تنساني وتجرح فيا...
وتصعب مشواري عليا..
وتسهلها لناس تانيين...
#واللى مش محتاج تناديلة...
وتعوضة وكمان تديلة ...
وتخلية عايش متهني. ..
مرتاح وفى أحلى مزاج...
#الدنيا-مبتديش -محتاج#
وأنا عايش راضي بالمقسوم...
وازاي كدة أفضل مظلوم..
لية الدنيا بتتحداني..
كل أما أمشي أبقى مكاني..
واللى بعوزة يروح للتاني...
وعمرى بيجرى يوم ورا يوم..
#واللى مش محتاج تناديلة...
وتعوضة وكمان تديلة...
وتخلية عايش متهني...
مرتاح وفى احلى مزاج...
#الدنيا-مبتديش-محتاج #