غريب..
غريب.ومهاجر
ومسافر
ويايا النصيب
ساكن فى البلد الغريب
بدور
على حلم تاية
سايب فى بيتى قمر
وفارقت فى بلادي
حبيب
قالوا هربت ! هجرت!
بكيت
وقلت
والله ياحبايبى النصيب
حتى اسألوا الليل الغريب
والقمر شايف دموعى
شاهد وبرد الليل والسما
ايوه شاهدين على عيونى
عن غربتى
وكمان بالليل النحيب
ماشى بلف بلاد
يمكن الاقى البسمة
فى عيون الغريب
ماشى بدور على عمر تايه
لما كنت فى احضان الحبيب
ماشى غريب وبقول تصيب
بدور على حظ وقدر
يمكن الاقى
فى الزمن العجيب
وحشانى ياحيطان بلدنا
وحشانى احضان الحبيب
وحشتنى بسمة ولادي
وحشتنى ضحكة صبيه
والامل فى عيون بلادي
ولو تعبت سنينى
انا صابر يمكن ربنا . فرجه
قريب
لا لا
انا لا هجرت ولا كنت ناسى
انا غصب عنى غريب
مهاجر
مسافر
ومعايا وحدتى زادي
وكمان النصيب
غريب
#كمال صلاح
No comments:
Post a Comment