ماتيجي نتكلم كلام ينفعنا يريحنا ويسعد غيرنا.
فيها إيه لو التزامنا ومشينا زي ما ربنا أمرنا.
ونعامل بعض بالحسنى ونخالي الحب من تاني يجمعنا.
وننسى اللي بينا ونفتح صفحه تكون بدايه جميله تخدمنا.
ومافيش داعي للمجادله ونعدل من عيوبنا وأخطأنا.
ونزيل الكره من قلوبنا ونكون إيد واحده ونرضي اللي خلقنا.
دي دنيا زايله ومهما مرت الأيام الموت ف إنتظارنا.
لسه العمر قدامنا نبتدي من النهارده نراجع حساباتنا وندور ع اللي ينفعنا.
ويقربنا من بعض مش يبعدنا وتحلو الدنيا ف نظرنا ونرتاح ف حياتنا.
لو ف ذرة كره مش داخلين الجنه واحنا المسؤولين عن أعمالنا قدام آللي خلقنا.
لازم نهدى ونفكر بالعقل والحكمه وبلاش نسمع لكلام غيرنا.
دا ف بينا وبين بعض عشره ليه نضيع كل حاجه ف ثانيه وتنتهي بفراقنا.
دا ف رب هايحاسبنا ع كل شئ بيدور داخل عقولنا واحنا آللي بنحدد مصيرنا.
ليه الكبر والغرور واخدنا ومش راضين بنصبنا وحاسين ان مافيش حد ف اخلاقنا.
عمر الظلم والكره ما هاينفعنا ولا هايكون دافع لنجاحنا وتحسين صورتنا.
دي الحسنه بعشره والكلمه الطيبه صدقه والرسول بنفسه بلغنا.
يارب جمع ما بينا وانزع الكره من صدورنا وخالي الايمان سر السعادة بالنسبالنا.
شاعر العصر صاحب كلمه لها مضمون ومعنى يفدنا وينفعنا بقصيده جميله تنال إعجابنا وتحسن دايما من أخلاقنا....
الشاعر طاهر مختار عتيت
شاعر العصر... تحيا مصر
طنطا... كفرالزيات.... اكوه الحصه
No comments:
Post a Comment