قصيدة (عمر الخطيب معرة النعمان )للشاعر شقيق الصقر

اسمحولي إظهر أمور الخفيةي
                          وعن المستور إحكي بأريحيةي
أمـام الناس والنقد الجماعي
                              كلام بيجعل الصورة جليةي
أنا إبن الخطيب بإنطباعي
                              ما بتبنَّىَ الأمور الملتويةي
خلقت من صغر سِنِّي وكنت واعي
                          وخيالي عانَق الكلمة الشهيةي
وبعد ما الريح مَزَّق في شراعي
                            وتهت ببحور هَم وفوضويةي
رْجِعِت عالشط عاري بْلا أواعي
                             متل يُونس عجينة مرتخيةي
بدأت من الصفر جد المساعي
                       تأعرف شو إلي وشو في عليي
سَفَكْت الحبر وتْشَبَّع يراعي
                      وعَطَىَ القرطاس حق الأولويةي
قَصَبْت حجار موهبتي وقلاعي
                     انبنت من معرفة وحكمة ورَوِّيةي
نهلت الشافعي وعلم الرفاعي
                       البخاري ومسلم وحنبل سويةي
وإبن منظور هَذَّب إطّلاعي
                           وبَصَمْت معلقات الجاهليةي
وبعد ما كال بالقِسطاس صاعي
                              وصارت غلة البيدر سخية
انبثق إلهام فكري من شُعاعي
                          وسطع نجم النبوغ بمعنويةي
طلعت عالمنبر وباسط ذراعي
                         ما عندي عنجهية وسوء نيةي
صرت شوف النصاصي والرباعي
                      كما النكتةي السخيفة بمسرحية
هــذا بيسرق وهــذا سماعي
                           كلام بدون معنىَ وجادبيةي
قوافي متل تكسير التلاعي
                     حكي فاضي وعواطف مهتريةي
وقميئ مْسَلَّح بشُعر الخُلاعي
                           بدأ يتغَزَّل بوحدةي غبيةي
اخْتَلَجْت ورُحت هائم في صراعي
                      وّقِفْت إبكي عا قبر الأبجديةي
رْجعت عالراحلةي إحزم متاعي
                   على الرحلة الطويلة السرمديةي
يا عيب الشوم عا لسان الرُعاعي
                            متل ختيار ومزَوَّج صبيةي
حرام الشاعرية بدون راعي
                        ولُغة عدنان صارت أعجميةي
احْتَشَىَ قلبي ونَعَت إسمي المناعي
                    وصرت إدعي عا حالي بالمنيةي
أنا الداعي وبكلمة صدق داعي
                   ومع التوقيع مَحْلولةي القضيةي
وإذا عالبيت بِرْجَع عا كواعي
                          كلمة بقولها ومسؤل عنها
          الكذب دَيدَن رجال الشاعريةي